buonaA nui galatinesi serve pocu cu ni eccitamu,
basta cu ni cuntanu de quandu la Rusetta
cu na lira ti la facia a manu.

Galatina è patria de lu pasticciottu,
ma in evidenza sannu sulu cu mentanu
lu casinu de lu vecchiu paesottu.

Invece cu dicanu ca l’africanu è fattu cu l’ove,
raccontanu de comu la Rusetta
facia lu sessantanove.

A postu cu presentanu alli visitatori le chiese e li palazzi,
allu civico 1 de lu vicu vecchiu,
mentanu lucerne, sonatori e qualche scassacazzi.

Mancu l’ombra de l’origini orsiniane!
Quiddhra era na serata
puru dedicata alle puttane.

De lu calmiere de la Rusetta ficera na lirica perfetta,
parole dolci e poetate, tantu ca la “madame” de Galatina
alla fine la ficera diventare n’eruina,
menz’ora, na duppietta e na sveltina.

De gustu e de bellezza nu n’hannu mai ‘ntisu cuntare?
Se cuntinuanu cu sta missione
Galatina diventa la città de lu piccione.

Solitudine - Loneliness

Archivio video